ໃນອາທິດທີ່ຜ່ານມາ, ຄະນະວິຊາການຈາກຂະແໜງກັກກັນພືດ ນະຄອນຫຼວງວຽງຈັນ ໄດ້ລົງເຄື່ອນໄຫວປະຕິບັດໜ້າທີ່ກວດກາສຸຂານາໄມພືດ ສຳລັບສິນຄ້າກະສິກຳປະເພດ ໝາກກ້ວຍຫອມ, ໝາກໂມ ແລະ ມັນຕົ້ນແຫ້ງ ທີ່ກຽມສົ່ງອອກຜ່ານຂະບວນລົດໄຟ ລາວ-ຈີນ.\n\nການກວດກາຄັ້ງນີ້ແມ່ນເນັ້ນໃສ່ຄວາມຖືກຕ້ອງຂອງລະຫັດສວນປູກ (GAP), ໂຮງຫຸ້ມຫໍ່ (GMP) ແລະ ການກວດຫາສັດຕູພືດກັກກັນ ເພື່ອສ້າງຄວາມເຊື່ອໝັ້ນໃຫ້ແກ່ປະເທດຄູ່ຄ້າ ແລະ ຊ່ວຍໃຫ້ຜູ້ປະກອບການລາວສາມາດສົ່ງອອກສິນຄ້າໄດ້ຢ່າງສະດວກວ່ອງໄວ.