ຂະແໜງກັກກັນພືດ ນະຄອນຫຼວງວຽງຈັນ ໄດ້ຈັດກອງປະຊຸມຝຶກອົບຮົມວິຊາການ ກ່ຽວກັບຂັ້ນຕອນການກວດກາ ແລະ ການອອກໃບຢັ້ງຢືນສຸຂານາໄມພືດແບບທັນສະໄໝ ໂດຍມີເຈົ້າໜ້າທີ່ປະຈຳດ່ານສາກົນ ແລະ ຕາງໜ້າບໍລິສັດສົ່ງອອກ-ນຳເຂົ້າ ເຂົ້າຮ່ວມກວ່າ 45 ທ່ານ.\n\nຈຸດປະສົງແມ່ນເພື່ອຫຼຸດຜ່ອນຂັ້ນຕອນເອກະສານເຈ້ຍ, ເພີ່ມຄວາມໂປ່ງໃສ ແລະ ໃຫ້ຜູ້ປະກອບການສາມາດກຽມເອກະສານໄດ້ຢ່າງຖືກຕ້ອງຕັ້ງແຕ່ຕົ້ນທາງ.